Sjellje e përgjegjshme biznesi

Ne jemi një kompani me një traditë të gjatë. Integriteti dhe përkushtimi ndaj standardeve më të larta etike qëndrojnë në bazë të historisë tonë të suksesshme të biznesit. Si një nga kompanitë kryesore farmaceutike gjenerike në botë, ne jemi të vetëdijshëm për detyrat dhe mundësitë tona për të ndihmuar në krijimin e një mjedisi të përgjegjshëm biznesi. Ne e zhvillojmë biznesin tonë me maturi, duke kuptuar dhe duke marrë në konsideratë ndikimin afatgjatë të aktiviteteve ekonomike në mjedisin social në tërësi.

Pajtueshmëria e Korporatës

Integriteti ynë bazohet në etikën, pajtueshmërinë e korporatës dhe menaxhimin efektiv të rrezikut.

Parimet tona themelore etike janë respekti, bashkëpunimi, përsosmëria dhe integriteti i drejtimit menaxherial.

Pajtueshmëria e korporatës siguron që kompania dhe punonjësit e saj t’u përmbahen të gjitha rregulloreve përkatëse, standardeve dhe udhëzimeve ndërkombëtare, dhe që kompania të bashkëpunojë në mënyrën e duhur me autoritetet rregullative. Pajtueshmëria e korporatës brenda kompanisë bazohet në disa politika dhe rregulla të brendshme që përshkruajnë në detaje aktivitetet dhe përgjegjësitë që lidhen me zbatimin e proceseve, në mënyrë që të sigurohet një ndërprerje minimale e operacioneve të biznesit dhe një rrezik minimal për shkeljen e rregulloreve, standardeve, politikave të kompanisë dhe rregullave të brendshme.

Menaxhimi i rreziqeve të ndryshme të pajtueshmërisë së korporatës është i përfshirë në të gjitha proceset e biznesit të Krka – ai mundëson identifikimin dhe menaxhimin e faktorëve që mund të rrezikojnë arritjen e objektivave strategjike dhe të biznesit të kompanisë dhe të gjithë Grupit Krka.

Respekt dhe bashkëpunim

Mundësitë e barabarta për të gjithë, respektimi i normave ligjore dhe qasja etike ndaj njerëzve dhe komunitetit më të gjerë shoqëror përbëjnë themelet e punës sonë. Ne jemi të vetëdijshëm për faktin që partneriteti dhe besimi ndikojnë ndjeshëm në performancën e biznesit të Krka, prandaj inkurajojmë bashkëpunimin me të gjithë aksionerët bazuar në respektin reciprok dhe marrjen në konsideratë të opinioneve të ndryshme, me qëllim rritjen e vlerës së të gjithë Grupit Krka.

Ekselencë

Mënyra jonë për të kontribuar në një cilësi më të mirë të jetës për të gjithë njerëzit është ofrimi i barnave, dhe produkteve të tjera, efektive, cilësore dhe të sigurta. Ne zhvillojmë produkte inovative dhe përpiqemi t’i bëjmë ato të disponueshme sa më gjerësisht të jetë e mundur.

Kërkimi dhe zhvillimi ynë, dhe bashkëpunimi ynë me partnerë në fushën mjekësore dhe të biznesit na ndihmojnë të përmirësojmë njohuritë tona në fushën e farmaceutikës dhe të kontribuojmë në zhvillimin e produkteve mjekësore cilësore.

Ne jemi të përkushtuar ndaj dhënies së një informacioni të saktë, të kuptueshëm dhe në kohën e duhur për produktet tona.

Ne mbrojmë me kujdes të gjitha informacionet në lidhje me Krka, partnerët tanë të biznesit dhe palët e treta, me të cilat ne njihemi gjatë punës dhe operacioneve tona të biznesit.

Çdo e dhënë personale e punonjësit dhe e palës së tretë duhet të trajtohet me kujdes, në mënyrë transparente dhe në përputhje me rregulloret për mbrojtjen e të dhënave personale.

Integriteti i drejtimit menaxherial

Shembujt e dhënë nga drejtuesit menaxherial janë vendimtarë, prandaj të gjithë menaxherët tanë ekzekutivë personifikojnë vlerat kryesore të Krka. Shembujt e mirë të tyre inkurajojnë punonjësit e tjerë dhe në këtë mënyrë kontribuojnë në forcimin e integritetit të të gjithë kompanisë.

Drejtori i Përgjithshëm për Pajtueshmërinë është përgjegjës për pajtueshmërinë e korporatës në nivelin më të lartë.

Menaxherët tanë të lartë janë përgjegjës për rritjen e ndërgjegjësimit për pajtueshmërinë e korporatës dhe për pajtueshmërinë e korporatës në njësitë e tyre të biznesit. Ata duhet të sigurojnë që të gjithë punonjësit të jenë të informuar për të gjitha rregulloret, udhëzimet dhe standardet, dhe se ata veprojnë në përputhje me to. Në punën e tyre, punonjësit edukohen dhe trajnohen rregullisht dhe janë të njohur me pasojat e sjelljes së papërshtatshme.

Integriteti i korporatës

Në Krka, ne ndjekim parimin e tolerancës zero ndaj çdo forme mashtrimi, abuzimi dhe praktike jo të ndershme të tregut. Drejtori i Përgjithshëm për Pajtueshmërinë monitoron respektimin e vazhdueshëm të rregullave dhe menaxhon një sistem efektiv për rritjen e ndërgjegjësimit dhe trajtimin e sjelljeve të papërshtatshme.

Parimi ynë themelor është që të gjitha vendimet merren në interesin më të mirë të Krka‘s, prandaj duhet të shmangim situatat që mund të perceptohen sikur vendimet janë marrë kryesisht në bazë të interesave tona personale dhe jo në bazë të interesave të Krka.

Marrëdhëniet midis industrisë farmaceutike dhe fushës mjekësore bazohen në standarde etike të rrepta, rregullore dhe udhëzues, të cilat ne i marrim parasysh në të gjitha operacionet tona të biznesit.

Ne respektojmë rregulloret që rregullojnë mbrojtjen e konkurrencës dhe në asnjë mënyrë nuk parandalojmë, kufizojmë ose shtrembërojmë konkurrencën.

Rreziqet për sjellje të papajtueshme që rrjedhin nga marrëdhëniet e biznesit, parandalohen nga verifikimi i rregullt i klientëve, furnitorëve dhe partnerëve të tjerë të biznesit. Në këtë mënyrë, ne mund të parandalojmë dëmtimin e mundshëm të reputacionit të Krka dhe humbjet e biznesit.

Përgjegjësia sociale e korporatës

Ne praktikojmë përgjegjësinë tonë sociale duke mbështetur aktivitete të ndryshme brenda mjedisit ku jetojmë. Ne marrim pjesë në aktivitete humanitare dhe gjithashtu marrim pjesë në aktivitete që promovojnë përparimet në fushat e shkencës, edukimit dhe kulturës, të cilat ndihmojnë në mbrojtjen e mjedisit tonë natyror.

Ne kujdesemi për mjedisin dhe respektojmë rregulloret për mjedisin, si dhe bashkëpunojmë me komunitetin lokal dhe më gjerë.

Ndërgjegjësimi

Vetëm përmes respektimit të vazhdueshëm të pajtueshmërisë së korporatës mund të arrijmë rezultate të shkëlqyera në punë, të forcojmë kënaqësinë e përdoruesve të produkteve tona dhe, në këtë mënyrë, të konsolidojmë vazhdimisht besimin e tyre tek Krka.

Ne e shikojmë të ardhmen me optimizëm dhe besojmë në misionin, njohuritë dhe përvojat e punonjësve tanë të Krka’s. Ne duam që Krka të njihet globalisht si një kompani me një vizion të qartë, me cilësi superiore të produkteve, me vlera dhe me një sjellje të përgjegjshme të korporatës.